2019-cu ilin oktyabr ayının 1-nə Azərbaycan əhalisinin ölkə banklarındakı əmanətlərinin həcmi 8 605,3 mln. manat təşkil edib.
Banker.az bu barədə Azərbaycan Mərkəzi Bankına istinadən xəbər verir.
Cari ilin ötən ayında Azərbaycan əhalisinin banklardakı əmanətlərinin həcmi 8 561,8 mln manat təşkil edib ki, bu da son bir ayda əhalinin əmanətlərinin 43,5 mln manat və ya 0,5% artması deməkdir.
2018-ci ilin müvafiq dövründə isə bu göstərici 8 199,1 mln manat olub. Belə ki, illik müqayisədə bu il əmanətlərinin həcmi 406,2 mln manat və ya 5% artıb.