Bank of Azerbaijan maliyyə çatışmazlığı səbəbindən Bakıda ictimai nəqliyyatlarda gediş haqqını ödəmək üçün nəzərdə tutulmuş kartların buraxılmasının maliyyələşdirilməsindən imtina etmişdir.
Bankdan verilən məlumatda deyilir: “Bununla yanaşı, vətəndaşlar tərəfindən əldə edilən kartlar hələ ki, öz fəaliyyətini davam etdirəcək. Lakin ictimai nəqliyyat üçün vahid kartın buraxılmasından sonra onların fəaliyyəti dayandırılacaq”.
Qeyd edək ki, nəqliyyat kartları Bank of Azerbaijan tərəfindən MasterCard bazasında yaradılmışdı və gələcəkdə onlar tam təminatlı ödəniş vasitəsinə çevrilməli idilər.
Nəqliyyat kartının dəyəri 3 AZN-dir ki, burada 2 AZN sığorta depoziti, 1 AZN isə kartın balansıdır.
