1 ay bundan öncəki tarixində Azərbaycan Mərkəzi Bankı tərəfindən təyin olunan məzənnə bugünkü məzənnədən daha baha idi. Belə ki, 19 iyun tarixində dollar/manat məzənnəsi rəsmi olaraq 1,7023(19 iyulda isə 1,7017) səviyyəsində müəyyən olunmuşdu. Lakin, Azərbaycan kommersiya bankları gözləntilərin əksi olaraq, 30 gün ərzində dolların həm alış, həm də, satış qiymətini bahalaşdırıblar.
Banker.azın araşdırmasına əsasən, 19 Azərbaycan bankı ABŞ dollarını bahalaşdırıb. Banklar içində ın çox bahalaşma siyahıdan göründüyü kimi PAŞA Bank-dadır. Belə ki, 19 iyunda 1,6970 manatra satılan dolllar, 19 iyul tarixində 1,7100 manata kimi artıb.
ABŞ valyutasının məzənnəsini dəyişməyən banklar var. Bura, “Access Bank”, “Azerpoçt”, “ASB Bank”, “Naxçıvanbank”, “NBCBank” və “NİKOİL Bank”dır.
Satış qiymətini hətta, digərlərindən fərqli olaraq, 30 gün ərzində “Bank Avrasiya”, “Ziraat Bank” və “Yapı Kredi Bank” bir qədər ucuzlaşdırıblar.
Alış məzənnəsini isə, ən çox “NBCBank” və “Yapı Kredi Bank” ucuzlaşdırıb.
Araşdrmaya görə, dolları 1 ay ərzində ən ucuz satan bank kimi “Amrahbank” seçilib. Ümumiyyətlə adıçəkilən bank valyuta dəyişmək üçün ən sərfli bank olub.
