Bu ilin sentyabr ayında Azərbaycanın beynəlxalq hava limanları 530 mindən çox sərnişinə xidmət göstərib.
Bu, ötən ilin eyni dövrü ilə müqayisədə təxminən 78% çoxdur.
Ötən ay təkcə Heydər Əliyev Beynəlxalq Aeroportunun xidmətindən 461 min sərnişin istifadə edib ki, bunun da 412 mini beynəlxalq reyslərin sərnişinləri olub.
Ay ərzində AZAL və onun aşağı büdcəli törəməsi “Buta Airways” daxili reyslər üzrə 164 min, beynəlxalq reyslər üzrə isə 56 min sərnişinə xidmət göstərib. Bu da beynəlxalq daşımaların 47%-ni təşkil edib.
Sentyabrda 29 xarici aviaşirkət Bakı hava limanına müntəzəm reyslər yerinə yetirib. AZAL и “Buta Airways”i nəzərə almadan, ən çox sərnişini “Aeroflot”, “Turkish Airlines” və “Utair” aviaşirkətləri daşıyıb.
Ötən ay Bakıdan ən populyar beynəlxalq istiqamətlər onluğuna Moskva, İstanbul, Dubay, Tbilisi, Ər-Riyad, Ankara, Əbu-Dabi, Təl-Əviv, İzmir və Antalya şəhərləri daxil olub. Ümumilikdə bu istiqamətlər üzrə 276 min sərnişinə xidmət göstərilib.
Heydər Əliyev Beynəlxalq Aeroportu (IATA: GYD) — sərnişin və yük daşımalarının, uçuş-enmə əməliyyatlarının həcminə, aerovağzal kompleksinin sahəsinə və yük kompleksinin gücünə görə Azərbaycanda və regionda ən böyük hava limanıdır.
Bu ilin iyun ayında hava limanı Beynəlxalq Aeroportu nüfuzlu “Skytrax World Airport Awards” Beynəlxalq Hava Nəqliyyatı Reytinq Agentliyinin versiyasına görə MDB ölkələrində ən yaxşı hava limanı statusunu 5-ci dəfə təsdiqləyib. Hava limanları üçün bu mükafat sənayedə keyfiyyət standartıdır.
Bundan əlavə “Skytrax” tərəfindən Bakı hava limanını ən yüksək “5 ulduz” reytinqinə, həmçinin COVID-19 pandemiyası dövründə epidemioloji təhlükəsizlik üzrə maksimal reytinqə layiq görülüb.
