“Azərbaycan Dəmir Yolları” QSC-nin törəmə şirkəti – dəmir yolu ilə yükdaşımaların artırılması, xüsusilə də tranzit yüklərin cəlb olunması üçün ekspeditor və iri həcimli yük sahiblərinə onlayn xidmətlər təklif edən “ADY Ekspress” MMC-nin direktoru dəyişib.
Bu barədə Banker.az-ın əldə etdiyi məlumatda deyilir.
Məlumata görə, Vüqar Mirqasımov Kamil oğlu direktor təyin edilib.
O, bu vəzifədə Azad Qasımovu əvəz edib.
Qeyd edək ki, “ADY Ekspress” MMC 2014-cü ildə yaradılıb və onun 1 911 634 manat nizamnamə kapitalı var.
