Mingəçevir şəhərində yerləşən “Azərbaycan” İES-nin yarımstansiyasında qəza nəticəsində yanğın baş verib.
“Report”un Şirvan bürosu xəbər verir ki, yanğının söndürülməsi üçün əraziyə Fövqəladə Hallar Nazirliyinin yanğınsöndürmə briqadaları və təcili tibbi yarım xidmətinin əməkdaşları cəlb olunub.
Məlumata görə, hadisə enerji bloklarından birində baş verib. Hazırda ölən və ya yaralananların olması barədə məlumat yoxdur.
Stansiya ərazisinə giriş məhdudlaşdırılıb.
Ehtimala görə, İES-də enerji bloklarından birinin fəaliyyətini dayandırması nəticəsində Bakı və Sumqayıt şəhərləri də daxil olmaqda, Şirvan, Gəncə, Ağdaş, Bərdə, Qax, Zaqatala və digər əksər rayonlarda işıqlar sönüb.
Hadisə ilə əlaqədar olaraq “Azərişiq” ASC-nin sədri Baba Rzayev başda olmaqla bütün işçilər təcili qaydada işə çağırılıb. Hazırda hadisənin səbəbləri araşdırılır. Bunu “Report”a “Azərişıq” ASC-nin mətbuat xidmətinin rəhbəri Tanrıverdi Mustafayev təsdiq edib.
Tezliklə ətraflı məlumat veriləcək.
