Azərbaycan bu ilin ilk yarısında premium markalı (Aİ-95) avtomobil benzinin idxal həcmini 14 faiz azaldıb.
Banker.az xəbər verir ki, cari ilin ilk 6 ayında YDM-lər 33.98 min tonluq 05 oktanlı premium benzin alıblar. Keçən ilin ilk yarısında bu rəqəm 39.39 min ton idi.
İdxal edilmiş benzinə çəkilən xərc illik müqayisədə bu il 7 faiz daha baha olub. Məsələn, keçən il Azərbaycan bir tonluq benzin üçün $932 xərc çəkdiyi halda, bu il bu göstərici $997-ə çatıb.
Premium benzinin böyük hissəsi Rusiyadan alınıb. Məsələn, bu il Rusiyadan 12.78 min tonluq avtomobil benzini alınıb.
Qeyd edək ki, SOCAR-ın Heydər Əliyev adına neft emalı zavodunda Avro-5 standartına cavab verən “Aİ-95” markalı avtomobil benzini istehsalına başlanılır. Avro-5 keyfiyyət göstəricilərinə uyğun daxili istehsal olunan “Aİ-95” markalı avtomobil benzininin 1 litrinin qiymətinin iyulun 15-dən bazarın konyukturasına uyğun olaraq, 0.40 manat ucuzlaşaraq 1.60 manata endirilib.
| Azərbaycanın xaricdən idxal etdiyi 95 oktanlı premium benzin, 2024-cü ilin I yarısı | ||
| Miq, ton | Dəyər, min $ | |
| Rusiya | 12,784.6 | 11,830.1 |
| Belarus | 9,938.9 | 9,981.4 |
| Yunanıstan | 6,585.3 | 7,122.1 |
| Bolqarıstan | 2,245.5 | 2,491.9 |
| Rumıniya | 1,645.4 | 1,743.2 |
| BƏƏ | 782.8 | 697.5 |
| CƏMİ | 33,982.4 | 33,866.1 |
| Azərbaycanın xaricdən idxal etdiyi 98 oktanlı super premium benzin, 2024-cü ilin I yarısı | ||
| Miq, ton | Dəyər, min $ | |
| Bolqarıstan | 460.68 | 564.8 |
| Rumıniya | 375.17 | 459.95 |
| Belarus | 275.1 | 337.27 |
| CƏMİ | 1110.95 | 1362.02 |
