Azərbaycan Çin Xalq Respublikasından minik avtomobili idxalını kəskin artırmaqdadır.
Banker.az xəbər verir ki, 2024-cü ilin ilk yarısında Uzaq Şərq ölkəsindən Azərbaycana 6 257 ədəd minik avtomobili idxal edilib ki, bu da 2023-cü ilin eyni dövründə qeydə alınmış rəqəmi 75% üstələyir.
İdxal olunmuş avtomobillərin dəyəri isə illik müqayisədə 87% artaraq 161.6 mln. dollar təşkil edib. Ən çox artım elektrik avtomobillərində qeydə alınıb. Belə ki, hibrid mühərriklə, xarici mənbədən elektrik yüklənməsi mümkün olan 1530 ədəd minik avtomobili gətirilib. Halbuki, bu, 2023-cü ilin ilk yarısında 120 ədəd idi.
