“Azərbaycan İpoteka Fondu” ASC 2016-cı il üçün maliyyə hesabatlarının auditinin keçirilməsi üzrə kənar auditorun seçilməsi ilə bağlı təkliflər sorğusu elan edib.
Banker.az AZƏRTAC istinadla xəbər verir ki, satınalmada iştirak haqqı 150 manatdır. Satınalma üzrə ilkin sənədlər oktyabrın 26-dək, təklif zərfləri isə noyabrın 7-nə qədər qəbul ediləcək. Məsələ üzrə zərflər noyabrın 8-i saat 15:00-da cəmiyyətin inzibati binasında açılacaq.
Satınalmanın nəticəsi nizamnaməyə uyğun olaraq cəmiyyətin müşahidə şurası tərəfindən təsdiq olunduqdan sonra satınalmanın qalibi elan ediləcək.
