Banker.azın Bakı fond Birjasına istinadən verdiyi informasiyaya əsasən, Azərbaycan İpoteka Fondu istiqrazlarının növbəti hissəsinin yerləşdirilməsinə başlanıb.
Hərraca 5 000 000 AZN həcmində istiqraz çıxarılacaq. Emissiya prospektinə əsasən, yerləşdirmə kütləvi təklif üsulu ilə “Bakı Fond Birjası” QSC vasitəsi ilə keçiriləcək. İstiqrazlar 100.9417% qiymətlə satışa çıxarılacaqdır.
İstiqrazların ödənmə tarixi – 21 noyabr 2024-cü ildir. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcəkdir.
İstiqrazların ilkin yerləşdirilməsində iştirak edən təşkilat Azərbaycan Respublikası Mərkəzi Bankı olacaqdır.
