Ötən il Azərbaycanda kərə yağının və duru bitki yağlarının istehsalı azalıb.
Banker.az bu barədə Dövlət Statistika Komitəsinə istinadən xəbər verir.
Komitənin hesabatına əsasən, marqarin istehsalında digər yağların əksinə, artım olub.
Belə ki, 2022-ci ildə ölkədə 24733.3 ton kərə yağı, 48544.2 ton duru bitki yağı istehsal olunub. Bu göstəricilər 2021-ci ilə nisbətən müvafiq olaraq 8.3% və 7.3% azdır.
Ötən il ölkədə marqarin istehsalı isə illik müqayisədə 25% artaraq 59469.6 ton (yanvar-noyabr aylarının məlumatlarında aparılmış dəqiqləşmə (53851 ton) nəzərə alınmaqla) təşkil edib.
Komitənin məlumatına görə, 01.01.2023-cü il vəziyyətinə 84 ton hazır kərə yağı, 5948.7 ton hazır duru bitki yağı, 6794.6 ton hazır marqarin ehtiyatı var.
