Bu ilin fevral ayında Azərbaycan sabit genişzolaqlı internetin orta sürətinə görə 154 ölkə arasında öncəki ayla müqayisədə dəyişməyərək 69.32 MB/S sürətlə 90-cı yerdə qərarlaşıb.
Banker.az “Speedtest Global Index”ə istinadən xəbər verir ki, sabit genişzolaqlı internetin sürətinə görə ötən ay birinci yeri Sinqapur, axırıncı yeri isə Suriya tutub.
Azərbaycan mobil internetin sürətinə görə yanvar ayına nisbətən fevralda 1 pillə geriləyərək 71.01 MB/S sürətlə 103 ölkə arasında 55-ci olub. Mobil internetin sürətinə görə birinci yeri BƏƏ, sonuncu yeri isə Boliviya tutub.
