Bu ilin 5 ayında operativ məlumatlara əsasən hasil edilmiş 13.9 mln. ton neftin 11.4 mln. tonu ixraca nəql edilib. Ötən ilin eyni dövrü ilə müqayisədə 15.3% artımla hasil edilmiş 19.6 mlrd.m3 qazın 9.4 mlrd.m3-i ixrac olunub.
Banker.az xəbər verir ki, bunu energetika naziri Pərviz Şahbazov öz rəsmi Twitter səhifəsində yazıb.
Bu o deməkdir ki, hasil edilmiş neftin 82%-i, hasil edilmiş qazın isə 48%-i ixrac olunub.
Nazir həmçinin qeyd edib ki, yanvar-may aylarında ötən ilin eyni dövrünə nisbətən qaz ixracı 27% çox olub. İxracın 48%-i Avropanın, 38%-i Türkiyənin, 14%-i Gürcüstanın payına düşüb.
