Azərbaycan 2023-cü ildə Gürcüstandan minik avtomobili idxalını yüksəldib.
Banker.az bu barədə Dövlət Statistika Komitəsinə istinadən xəbər verir.
Məlumata əsasən, hesabat ilində 132 minik avtomobili idxal edilib. Bu da öncəki 2022-ci ildəki 36 ədəddən 3.6 dəfə yuxarıdır.
Gürcüstandan ötən il alınan minik avtomobillərinin idxal dəyəri 11 milyon 545.2 min dollar təşkil edib.
İdxal edilən avtomobillər əsasən mühərrik həcmi 1500-3000 kub-sm olan benzin minik avtomobilləridir. Ötən il onlardan Azərbaycana 79 ədəd və ya 4 milyon 779.8 min dollarlıq idxal edilib.
| Minik avtomobili | Miqdar, ədəd | Həcm, min $ |
| 1500-3000 kub sm olan, benzin | 79 | 4,779.80 |
| 3000 kub sm-dən çox olan, benzin | 15 | 3,370.39 |
| 1500-2500 kub sm olan, dizel | 8 | 439.10 |
| 2500 kub sm-dən çox olan, dizel | 14 | 1,634.28 |
| Hibrid mühərrikli | 9 | 1,063.45 |
| e-Car | 7 | 258.15 |
| Cəmi | 132 | 11,545.17 |
