Azərbaycan bu il Rusiyaya satdığı kənd təsərrüfatı məhsullarının ixracı həcmini artırsa da, qiymətlərinin ucuzlaşması səbəbindən dəyərləri bir qədər azalıb.
Banker.az xəbər verir ki, Azərbaycan 2022-ci ilin ilk səkkiz ayında Rusiyaya aqrar məhsullardan ən çox satılan pomidorun ixrac həcmi 4.4% azalaraq 109.5 min ton təşkil etsə də, dəyər baxımdan onun həcmi 3% artaraq 129.91 mln. dollar təşkil edib. İdxal dəyərinin artmasına səbəb pomidorun bu il öncəkindən 7.8% baha satılmasıdır. Ötən il bir tonu ortalama 1 101 dollara satılıb, cari ildə bu rəqəm 1 187 dollar olub.
İkinci ən çox ixrac edilən kənd təsərrüfatı məhsulu olan albalının həcmi 51% artaraq 29.1 min ton, ixrac dəyəri 34% artaraq 41.51 milyon dollar olub. Albalının tonu 1 426 dolar olmaqla öncəki ildən 11% ucuz olub.
Cari ildə ən yüksək dinamika fermentləşdirlmiş qara çaydır. Rusiyaya 2022-ci ilin ilk səkkiz ayında 777 tonluq qaraçay ixrac edilib ki, illik müqayisədə 184 dəfə artımdır.
TAM SİYAHI:
