“Azərbaycan Sənaye Korporasiyası” ASC-nin Müşahidə Şurasının sədri, Prezidentin köməkçisi Natiq Əmirovun sədrliyi ilə Şuranın növbəti iclası keçirilib.
Bu barədə Korporasiyaya istinadən xəbər verilir.
Məlumata görə, iclasda Şuranın üzvləri – I vitse-prezidentinin köməkçisi Xalid Əhədov, İqtisadiyyat naziri Mikayıl Cabbarov, Maliyyə naziri Samir Şərifov, Kənd Təsərrüfatı naziri İnam Kərimov, həmçinin Korporasiyan;n Baş direktoru Kamran Nəbizadə və qurumun digər vəzifəli şəxsləri iştirak edib.
Videokonfrans formatında keçirilən iclasda səhmdar cəmiyyətinin 2020-ci ilin yekunları üzrə maliyyə göstəriciləri və digər cari məsələlər müzakirə olunub, dövlət şirkətinin fəaliyyətinə dair hesabatlar dinlənilib, müvafiq qərarlar qəbul edilib, eyni zamanda, strateji hədəflərlə bağlı əhəmiyyətli tövsiyyələr verilib.
