Bu ilin noyabr ayında Azərbaycan mobil internetin sürətinə görə digər ölkələr arasında 1 pillə irəliləyib və 34.6 MB/S sürətlə 58-ci pillədə qərarlaşıb.
Bu barədə “Speedtest Global Index”in hesabatında bildirilir.
Məlumatda deyilir ki, ötən ay Azərbaycan sabit genişzolaqlı internetin orta sürətinə görə isə dünyada 118-ci yerdə qərarlaşıb ki, bu da oktyabr ayı ilə müqayisədə 1 pillə geriləmədir. Noyabrda ölkədə sabit genişzolaqlı internetin orta sürəti 26.95 MB/S olub.
Sabit genişzolaqlı internetin sürəti ilə bağlı dünyanın 180 ölkəsində araşdırma aparılıb. Birinci yerdə Çili (216.46 MB/S), sonuncu yerdə isə Kuba (1.91 MB/S) qərarlaşıb.
Mobil operatorlarla bağlı siyahıda isə Qatar 176.18 MB/S sürətlə birinci, Kuba isə 5.27 MB/S sürətlə sonuncu 142-ci yerdə qərarlaşıb.
