Vaşinqtonda Ermənistan-Azərbaycan müzakirələri bu gün də davam edir.
Bunu Ermənistan Xarici İşlər Nazirliyinin mətbuat katibi Ani Badalyan deyib.
Badalyan bildirib ki, ilkin plana görə, müzakirələrin son günü sabah, yəni mayın 4-də olacaq.
Xatırladaq ki, mayın 1-də ABŞ-ninn paytaxtı Vaşinqtonda Azərbaycanın xarici işlər naziri Ceyhun Bayramov, ABŞ dövlət katibi Entoni Blinken və Ermənistanın xarici işlər naziri Ararat Mirzoyan arasında görüşü keçirilib. Daha sonra Azərbaycan və Ermənistanın XİN rəhbərləri ikitərəfli görüşlər keçirib.
