Azərbaycanda çap avadanlıqları icarəsi, texniki xidməti və s bu kimi xidmətləri həyata keçirən “MAX” MMC 2024-cü ilin 1-ci yarımilliyini 305 700 manat mənfəətlə başa vurub. Ötən ilin eyni dövründə MMC-nin mənfəəti 303 595 manat olub ki, bu da illik müqayisədə 0.7% artım deməkdir.
Banker.az bu barədə şirkətin yarımillik hesabatına istinadən xəbər verir.
2024-cü ilin yanvar-iyun aylarında “MAX” MMC-nin əsas əməliyyat fəaliyyətindən gəlir 1 milyon 584 min manat (əvvəlki ilə nisbətən 1%), satışın maya dəyəri 1 milyon 26 min manat (19% çox) təşkil edib.
Xatırladaq ki, “MAX” MMC 2004-cü ildə təsis edilib. Şirkətin 2000 manat nizamnamə kapitalı var. Nizamnamə kapitalının 73.99%-i “MAX” Gürcüstama, 25.01%-i “PAŞA İnvestment” MMC-yə və 1%-i Anar Abasov Alik oğluna (şirkətin direktoru) məxsusdur.
