Azərbaycan və Qırğızıstanın biznes dairələri arasında əlaqələrin və qarşılıqlı investisiya qoyuşununun artırılması müzakirə edilib.
Bu barədə İxracın və İnvestisiyaların Təşviqi Agentliyindən (AZPROMO) bildirilir.
Məlumata görə, qurumun sədri Yusif Abdullayev Qırğızıstan Prezidenti yanında Milli İnvestisiya Agentliyinin direktoru Umbriel Temiraliyevlə görüş keçirib. Görüşdə Y.Abdullayev Agentliyin fəaliyyəti və hədəfləri, ölkəmizdə yaradılmış əlverişli biznes və investisiya mühiti, həyata keçirilən layihələr barədə məlumat verib, iki qurum arasında əməkdaşlığın inkişafı imkanlarını diqqətə çatdırıb.
