2023-cü ilin yanvar-fevral aylarında Azərbaycana 355.1 min dollar dəyərində 23.3 mln. ədəd siqaret idxal edilib. 2022-ci ilin analoji dövrü ilə müqayisədə bu göstəricilər müvafiq olaraq 58.5% və 46.2% azdır.
Banker.az bu barədə Dövlət Statistika Komitəsinə istinadən xəbər verir.
DSK-nın hesabatına əsasən, 2023-cü ilin yanvar-mart aylarında Azərbaycanda 3674.6 milyon ədəd siqar və siqaret istehsal olunub ki, bu da əvvəlki ilin müvafiq dövrünə nisbətən 20.5% çoxdur.
Komitədən bildirilir ki, 01.04.2023-cü il vəziyyətinə 847.6 milyon ədəd hazır papiros və siqaret ehtiyatı var.
