Azərbaycanda banklar tərəfindən verilən kreditlərin 14 milyard 321 milyon manatı Bakı şəhərinin payına düşür.
Banker.az xəbər verir ki, Mərkəzi Bankın məlumatına görə, 2022-ci ilin avqust ayının 1-nə ümumilikdə kredit portfelinin həcmi 18 milyard 487 milyon manat təşkil edib.
Bunun 14 milyard 209 milyon manatı milli valyutada, 4 milyard 278milyon manatı isə sərbəst dönərli valyutada verilib.
Statistik məlumatlara görə, kredit həcminə görə ikinci yerdə Abşeron-Xızı iqtisadi rayonu qərarlaşıb. 7 ayda bu rayona 715 milyon 447 min manat həcmində kredit qoyulub.
Gəncə-Daşkəsən iqtisadi rayonuna kredit qoyuluşu 557 milyon manat təşkil edir və bu rayon üçüncüdür. Lənkəran-Astara iqtisadi rayonuna 403 milyon manat, Mərkəzi Aran iqtisadi rayonuna 366 milyon manat kredit verilib.
Ötən ilin 7 ayında Qazax-Tovuz iqtisadi rayonuna 314 milyon manatlıq kredit qoyulub. Kredit qoyuluşlarının 310 milyon manatı Quba-Xaçmaz iqtisadi rayonuna, 304 milyon manatı Qarabağ iqtisadi rayonuna, 302 milyon manatı Şəki-Zaqatala iqtisadi rayonuna düşür.
Kreditlərin orta faiz dərəcəsi üzrə ən bahalı kreditlər Mil-Muğan (19.02%) və Dağlıq Şirvan iqtisadi rayonunda (19.5%) qeydə alınıb. Ən aşağı faiz dərəcəsi 13.04% təşkil edib və bu faizlə kredit Naxçıvana verilib.
