Azərbaycanda bir neçə ASC-nin səhmdarları toplanır.
“Kəpəz Mehmanxana” ASC səhmdarlarının növbəti illik ümumi yığıncağı 10 iyun 2019-cu il saat 10.00-da cəmiyyətin yerləşdiyi ünvanda keçiriləcəkdir.
Banker.az bildirir ki, Müşahidə şurası tərəfindən gündəliyə Cəmiyyətin 2018-ci il maliyyə balansının təsdiqi və digər məsələlər verilib.
Səhmdarlar yığıncaqda müzakirə ediləcək sənədlərlə hər həftənin iş günləri saat 13.00-dək cəmiyyətə gəlməklə tanış ola bilərlər.
“Mingəçevir Ağac Emalı” ASC səhmdarlarının növbəti illik ümumi yığıncağı 10 iyun 2019-cu il saat 15.00-da cəmiyyətin yerləşdiyi binada keçiriləcəkdir. Yığıncağın gündəliyinə Cəmiyyətin 2018-ci il maliyyə balansının təsdiqi., Cəmiyyətin yeni direktorunun seçilməsi kimi məsələlər daxil edilib.
25 may 2019-cu il saat 11.00-da “Bakımexanizasiyanəqliyyat” ASC səhmdarlarının növbəti ümumi yığıncağı Bakı şəhəri, Nizami rayonu, Babək prospekti 33A nömrəli ünvanda keçiriləcəkdir. Ümumi yığıncağın gündəliyi “Bakımexanizasiyanəqliyyat” ASC-nin 2018-ci maliyyə ili üzrə maliyyə-təsərrüfat fəaliyyətinin nəticələrinin təsdiqi və digər cari məsələlərdən ibarətdir.
“Moskviçtexxidmət”ASC səhmdarlarının növbəti ümumi yığıncağı 8 iyun 2019-cu il saat 10.00-da Bakı şəhəri, Sumqayıt şossesi 4 nömrəli ünvanda keçiriləcəkdir. Gündəlikdəki məsələlər Cəmiyyətin 2018-ci ilin maliyyə-təsərrüfat fəaliyyətinin yekunları haqqında və dividendlərin verilməsi haqqındadır. Ümumi yığıncağın gündəliyinə aid məsələlərlə bağlı cəmiyyətə müraciət etmək olar.
“Xudat Balıq” ASC səhmdarlarının növbəti illik ümumi yığıncağı 7 iyun 2019-cu il saat 14.00-da, Xudat şəhəri, Müqtədir qəsəbəsində yerləşən inzibati binada aşağıdakı gündəlikdə keçiriləcəkdir. Qeyd edək ki, yığıncağın gündəliyinə “Xudat Balıq” ASC-nin 2018-ci maliyyə ili üzrə maliyyə-təsərrüfat fəaliyyətinin nəticələrinin təsdiq olunması daxildir.
Səhmdarlar növbəti illik ümumi yığıncağın gündəliyi üzrə materiallarla iş günləri saat 10 .00-dan 18 .00-dək, səhmdar cəmiyyətin Xudat şəhəri, Müqtədir qəsəbəsində yerləşən inzibati binasında səhmdar cəmiyyətin direktoruna müraciət etməklə tanış ola bilərlər.
