19 aprel 2022-ci il tarixində Bakı Fond Birjasında Azərbaycan Respublikası Maliyyə Nazirliyinin AZ0108012946 ISIN-li, 30 mln. manat həcmində, 1820 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilmişdir.
Hərrac zamanı 10 investor tərəfindən qiymət intervalı 80.6956 AZN (10%) və 97.8613 AZN (5.495%) manat olan 13 sifariş təqdim edilmişdir.
Maliyyə Nazirliyinin qərarına əsasən istiqrazların kəsmə qiyməti 95.7348 AZN (6 %) manat, orta ölçülmüş qiyməti 96.0614 (5.9216%) manat müəyyən edilmişdir. Qeyd edək ki, sonuncu dəfə 5 illik istiqraz hərracında 50 mln. manatın cəlbi nəzərdə tutulmuşdu və cəmi 32 mln. manatı üçün investor tapılmışdı. Bununla da orta qiymət 5.5% təşkil etmişdi.
Sifarişlərin nominal qiymətlə ümumi məbləği 109,037,200.00 manat, yerləşdirilmiş həcmi isə 30,478,500.00 manat təşkil edilmişdir.
İstiqrazların ödəmə tarixi 13 aprel 2027-ci il.
Hərrac iştirakçıları 20 aprel 2022-ci il tarixinədək istiqrazların alışı üzrə öhdəliklərini icra etməlidirlər.
Qeyd: Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda Emitent tərəfindən təklif edilən istiqrazların həcmi 50 faizədək artırıla bilər.
