Azərbaycanda bu gün avronun (EUR) rəsmi məzənnəsi son 6 ilin minimumuna düşüb.
Banker.az xəbər verir ki, Azərbaycan Mərkəzi Bankının rəsmi məzənnəsinə görə 1 avro 1.7060 manat səviyyəsinə düşüb. Bu da ötən həftənin son bağlanışı ilə müqayisədə avronun rəsmi məzənnəsinin 0.0203 manat, yaxud 1.2% azalması deməkdir. Avro sonuncu dəfə bu məzənnədə 2016-ci ilin 29 iyun tarixində – 1 avro 1.7004 manat idi.
Qeyd edək ki, ABŞ FED-nin inflyasiyanı cilovlamaq üçün faiz artımına əl atması və onun rəqib banklar arasındakı divirqensiyanın yüksəlməsi ilə dollar bahalaşıb. 1 avro 1 dollar olub ki, bu da 2002-ci ildən bu tərəfə ilkdir.
