12 aprel 2023-cü il tarixində saat 10:00-da hərraca çıxarılacaq “Azərbaycan Beynəlxalq Bankı” ASC-nin balansında olan avadanlıqlar haqqında məlumat açıqlanıb.
Banker.az xəbər verir k, “Azərbaycan Beynəlxalq Bankı”na məxsus “RHOSS” markalı çiller soyutma avadanlığı 10 min manat, “Secalt” markalı qaldırıcı səbət isə 5 000 manat ilkin start qiyməti ilə alıcılara təklif olunacaq.
Beh “Azərbaycan Beynəlxalq Bankı” ASC-nin aşağıdakı hesabına köçürülməlidir:
Hərraclarda iştirak etmək istəyən şəxslər aşağıdakı sənədləri hərracın başlanmasına ən geci 3 bank günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər :
Hüquqi şəxslər üçün təsis sənədlərinin müəyyən olunmuş qaydada təsdiq edilmiş surətləri;
Fiziki şəxslər üçün şəxsiyyəti təsdiq edən sənədin surəti;
Hərraclarda iştirak etmək üçün sənədlər hüquqi və fiziki şəxsin nümayəndəsi tərəfindən verildiyi təqdirdə o özünün hərracda iştirak etmək istəyən şəxsin adından hərəkət etmək hüququnu təsdiq edən sənəd (etibarnamə) təqdim etməlidir;
“Azərbaycan Beynəlxalq Bankı” ASC-nin hesabına behin köçürülməsini təsdiq edən ödəmə sənədinin surəti.
