Azərbaycanda bankların kapitallaşma prosesi hələ də davam edir. Hazırda bankların investorları tərəfindən 0,4 milyard manat həcmində səhm emissiyası ilə bağlı Palataya müraciət daxil olub.
Bununla bağlı məlumat Nazirlər Kabinetinin 2017- cı il hesabatında bildirilib.
Qeyd olunur ki, səhmlərin qeydiyyat prosesinin 2018-cı ilin əvvəllərində bitməsi nəzərdə tutulub. Eyni zamanda sektorda ilkin konsolidasiya meyilləri müşahidə edilib. 2017- cı ilin 1-ci yarısında “Caspian Development Bank” ASC-nin “Atabank” ASC-yə qoşulması prosesi tamamlanıb. Kapital kəsrini bərpa edə bilməyən “DəmirBank” ASC-nin lisenziyası isə geri çağırılıb.
