Azərbaycanda bazar və yarmarkaların pərakəndə ticarət dövriyyəsində payı azalmaqla, yerini ticarət müfəssəllərinə verir.
Banker.az xəbər verir ki, ölkədə bazar və yarmarkalar üzrə pərakəndə ticarət dövriyyəsi cari ilin ilk 3 rübü ərzində 7.05 milyard manat olub. Bu isə öncəki illə müqayisədə 16% azalma olması deməkdir.
Azalmanı koronavirus pandemiyası müddətində bazar və yarmarkalara qoyulan məhdudiyyətlə əlaqələndirmək olar. Lakin, bu azalma öncəki ildə də müşahidə edilmişdi. Belə ki, həmin müddətdə azalma tempi 6.3% olduğu bildirilirdi. Göründüyü kimi bu ilki karantin tədbirləri bazar və yarmarkaların ümumi pərakəndə dövriyyəsindəki payını azaldıb. Bu barədə Banker.az AzStatKom-a istinadla bildirir.
Hazırda bazar və yarmarkaların ümumi pərakəndədə (28.05 mlrd. manat) 25.1%-ə qədər azaldıb, bu 2019-cu ildə 29.4% idi.
Əvəzində isə, fərdi sahibkarlıq və ticarət müfəssəlləri – “Mall”, ticarət mərkəzləri, supermarketlərin payında artımlar müşahidə edilib.
Fərdi sahibkarlar 14.56 mlrd. manatlıq pərakəndə ticarət dövriyyəsi edib, bu da öncəki illə müqayisədə 2.9% artım deməkdir. Eləcə də, ölkədə fəaliyyət göstərən ticarət müəssələrində artım 8% olmuşdur ki, bu da 6.44 mlrd. manat olması deməkdir.
Fərdi sahibkarların pərakəndə ticarət dövriyyəsində payı son bir ildə 49.7%-dən 51.9%-ə, ticarət müfəssəllərinin payı isə 20.9%-dən 23%-ə yüksəlmişdir.
