Azərbaycanda elektron pul təşkilatlarından biri “PulPal” Məhdud Məsuliyyətli Cəmiyyətinin nizamnamə kapitalı artırılıb.
Banker.az xəbər verir ki, “PulPal”ın kapitalı 1,302,010 manatdan 1 422 610 manata qaldırılıb.
Bu da şirkətin kapitalının 120 600 manat və ya 9.3 faiz artımı deməkdir.
“PulPal” 2019-cu ildə yaradılıb və 2024-cü ilin iyulunda Mərkəzi Bankdan bazarda iştirak üçün lisenziya əldə edib. Lisenziyaya əsasən, kredit köçürməsi, birbaşa debetləşmə, ödəniş kartı və ya digər ödəniş alətləri ilə ödəniş əməliyyatlarının icrası; ödəniş əməliyyatının ekvayrinqi; elektron pulun emissiyası və elektron pul ilə ödəniş əməliyyatlarının icrası; ödəniş əməliyyatlarının aparılması üçün vasitəçilik xidmətidir.
