Azərbaycan Respublikasında 2025-ci il oktyabrın 1-i vəziyyətinə hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 1 milyon 435 mini keçib.
Banker.az xəbər verir ki, bu da 2025-ci ilin ilk üç rübündə həmin sahibkarların 46 min nəfər artması deməkdir.
İlin əvvəlində qeydə alınan 1 milyon 389 mini nəfər sahibkar vardı.
Fərdi sahibkarların 76,4 faizini kişilər, 23,6 faizini isə qadınlar təşkil etmişdir.
01.10.2025-ci il vəziyyətinə fərdi sahibkarların iqtisadi fəaliyyət növləri üzrə bölgüsü belədir:
- Cəmi: 1 435 420 nəfər (100%)
- Kənd təsərrüfatı, meşə təsərrüfatı və balıqçılıq: 534 682 nəfər (37,2%)
- Mədənçıxarma sənayesi: 1 317 nəfər (0,1%)
- Emal sənayesi: 29 967 nəfər (2,1%)
- Elektrik enerjisi, qaz və buxar istehsalı, bölüşdürülməsi və təchizatı: 91 nəfər (0,0%)
- Su təchizatı; tullantıların təmizlənməsi və emalı: 1 209 nəfər (0,1%)
- Tikinti: 30 408 nəfər (2,1%)
- Ticarət; nəqliyyat vasitələrinin təmiri: 267 329 nəfər (18,6%)
- Nəqliyyat və anbar təsərrüfatı: 164 242 nəfər (11,4%)
- Turistlərin yerləşdirilməsi və ictimai iaşə: 54 051 nəfər (3,8%)
- İnformasiya və rabitə: 15 194 nəfər (1,1%)
- Maliyyə və sığorta fəaliyyəti: 3 992 nəfər (0,3%)
- Daşınmaz əmlakla əlaqədar əməliyyatlar: 18 250 nəfər (1,3%)
- Peşə, elmi və texniki fəaliyyət: 34 115 nəfər (2,4%)
- İnzibati və yardımçı xidmətlərin göstərilməsi: 27 792 nəfər (1,9%)
- Təhsil: 19 562 nəfər (1,4%)
- Əhaliyə səhiyyə və sosial xidmətlərin göstərilməsi: 7 905 nəfər (0,5%)
- İstirahət, əyləncə və incəsənət sahəsində fəaliyyət: 19 691 nəfər (1,4%)
- Digər sahələrdə xidmətlərin göstərilməsi: 131 656 nəfər (9,2%)
- Ev təsərrüfatlarının fəaliyyəti; fərdi istehlak üçün ev təsərrüfatlarının istehsal etdiyi mal və xidmətlərə dair fəaliyyət: 73 967 nəfər (5,1%)
