Azərbaycanda həyatın yaşam sığortası yüksək artım dinamikası ilə böyüyür.
Bu barədə Banker.az Azərbaycan Mərkəzi Bankının icmal göstəricilərinə istinad edir.
2023-cü ilin yanvar ayında Azərbaycanda həyatın yaşam sığortasının həcmi 32.3 mln. manatdan yuxarı olub. Bu 2022-ci ilin analoji ayı ilə müqayisədə 42%-lik artımdır.
Bununla belə, ödənişlərin həcmi də 4.3 dəfə artmaqla 19.57 mln. manat təşkil edib.
2022-ci il üzrə Azərbaycanın bu bazarı illik müqayisədə 45% artaraq 396.69 mln. manata yüksəlib. Ödənişlər isə 242.08 mln. manat olmuşdu.
|
Həyatın yaşam sığortası, min manat |
|||
| Yanvar, | Sığorta haqqı | Sığorta ödənişi | Fərq |
| 2018 | 8,363.55 | 7,339.15 | 1,024.39 |
| 2019 | 13,288.37 | 11,928.22 | 1,360.15 |
| 2020 | 14,084.07 | 27,952.65 | – 13,868.58 |
| 2021 | 22,694.46 | 4,581.25 | 18,113.22 |
| 2022 | 32,304.25 | 19,572.75 | 12,731.50 |
Həyatın yaşam sığortası sığortalıya müqavilə müddətinin sonunda və ya sığortalının ölümündən sonra nominal dəyəri ödəyən həyat sığortasının bir növüdür.
Həyatın yaşam sığortası sığorta müqaviləsinin qüvvədə olduğu müddətdə sığortaolunanın vəfat etdiyi və ya sığorta müqaviləsində müəyyən edilmiş yaşa / müddətə qədər yaşadığı halda sığorta ödənişinin həyata keçirilməsini ehtiva edir.
Həyatın Yaşam Sığortası siyasəti sabit aylıq ödənişlərin edildiyi müddətdə risksiz, zəmanətli gəlir vəd edir. Bu sığorta məhsulunun əsas əhəmiyyəti, ilk növbədə, əmək müqavilələrinin rəsmiləşdirilməsi, əmək müqavilələrinin bağlanmasının zəruriliyi və tətbiq edilən vergilərin, məcbur dövlət sosial sığorta haqlarının çalışanların mənafeyinə olması barədə maarifləndirməkdir.
Xatırladaq ki, bu bazarın əsas oyunçusu “PAŞA Həyat” ASC-dir.
