Əmlak Məsələləri Dövlət Xidməti bu ilin ilk 9 ayına olan göstəriciləri açıqlayıb.
Dövlət Xidmətindən Banker.az-a verilən məlumata əsasən, bu dövrdə 203 254 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə ötən ilin eyni dövrü ilə müqayisədə 17.3% artım deməkdir.
Məlumata əsasən, Azərbaycanda qeydiyyata alınan ipoteka müqavilələrinin sayı da artıb. Belə ki, 2022-ci ilin yanvar-sentyabr ayları ərzində 51.347 ipoteka müqaviləsi qeydiyyata alınıb. Bu göstərici ötən ilin eyni dövrü ilə müqayisədə 39.5% çoxdur.
