2024-cü ilin ilkin məlumatlarına əsasən, bir işçiyə düşən orta aylıq işlənmiş iş saatlarının miqdarı 148.9 saat təşkil edib.
Banker.az bu barədə Dövlət Statistika Komitəsinin hesabatına istinadən xəbər verir.
2023-cü ilin ilkin məlumatlara əsasən bir işçiyə düşən orta aylıq işlənmiş iş saatlarının miqdarı 149.2 saat (- 0.3 saat) olub.
Azərbaycanda ən çox işləyənlər dövlət idarəetməsi və müdafiə, həmçinin sosial təminat sahələrində çalışanlardır. Qeyd etdiyimiz sahələrin işçiləri ay ərzində orta hesabla 157.1 saat işləyirlər ki, bu da əvvəlki illə müqayisədə 0.3 saat çox olub.
İqtisadi fəaliyyət növləri üzrə bir işçiyə düşən orta aylıq işlənmiş iş saatlarının miqdarının müqayisəsini təqdim edirik:
| Bir işçiyə düşən orta aylıq işlənmiş iş saatlarının miqdarı |
|||
| İqtisadi fəaliyyət növləri | 2024 | 2023 | İllik müqayisə |
| Kənd təsərrüfatı, meşə təsərrüfatı və balıqçılıq | 151.1 | 151.4 | -0.3 |
| Mədənçıxarma sənayesi | 147.2 | 148.5 | -1.3 |
| Emal sənayesi | 147.9 | 148.4 | -0.5 |
| Elektrik enerjisi, qaz və buxar istehsalı, bölüşdürülməsi və təchizatı | 152.9 | 154.2 | -1.3 |
| Su təchizatı, tullantıların təmizlənməsi və emalı | 154.6 | 154.7 | -0.1 |
| Tikinti | 154.6 | 152.6 | 2 |
| Ticarət; nəqliyyat vasitələrinin təmiri | 155.2 | 154.7 | 0.5 |
| Nəqliyyat və anbar təsərrüfatı | 144.7 | 145.7 | -1 |
| Turistlərin yerləşdirilməsi və ictimai iaşə | 153.9 | 151.8 | 2.1 |
| İnformasiya və rabitə | 146.9 | 149.1 | -2.2 |
| Maliyyə və sığorta fəaliyyəti | 152.4 | 152.9 | -0.5 |
| Daşınmaz əmlakla əlaqədar əməliyyatlar | 144.7 | 145.6 | -0.9 |
| Peşə, elmi və texniki fəaliyyət | 143.6 | 144.4 | -0.8 |
| İnzibati və yardımçı xidmətlərin göstərilməsi | 150.9 | 152.5 | -1.6 |
| Dövlət idarəetməsi və müdafiə; sosial təminat | 157.1 | 156.8 | 0.3 |
| Təhsil | 140.6 | 141.8 | -1.2 |
| Əhaliyə səhiyyə və sosial xidmətlərin göstərilməsi | 142.2 | 142.8 | -0.6 |
| İstirahət, əyləncə və incəsənət sahəsində fəaliyyət | 152.1 | 153 | -0.9 |
| Digər sahələrdə xidmətlərin göstərilməsi | 140.6 | 141.1 | -0.5 |
