Azərbaycanda 2021-ci ildə bankların hər işçisinə düşən xalis mənfəətinin həcmi ən yüksək olan kommersiya bankları açıqlanıb.
Banker.az olaraq bu göstəriciləri araşdırdıq.
Araşdırmada məlum olur ki, hər işçisinə düşən illik xalis mənfəət ən yüksək “PAŞA Bank” ASC-də qeydə alınıb. Belə ki, orta statistik olaraq Ölkənin korporativ nəhənginin bu göstəricisi 70 557 manat olub. Amma bu göstərici 2020-ci ildən 21 faiz zəifdir.
İkinci sırada ölkənin yeganə regional bankı – “Naxçıvanbank” ASC-dir. Muxtar respublikanın kredit təşkilatının illik hər işçyə düşən xalis mənfəəti 60 020 manat təşkil edib. Bu da öncəki ildən 7% azdır.
İlk üçlüyü “Kapital Bank” ASC 58 648 manatla qapadır.
