Azərbaycanda kredit ittifaqlarının sayı 76-dan 52-yə düşdü

2018-ci ildə Azərbaycanda ümumilikdə 15 kredit ittifaqının lisenziyası ləğv edilib. Əgər 2018-ci ilin əvvəlində kredit ittifaqlarının sayı 76 idisə, artıq ilin sonunda bu ittifaqların sayı 61 olmuşdur.

Belə ki, ötən il bağlanan 15 kredit ittifaqından 9-u Şərur rayonundakı “Cavid”, Beyləqan rayonundakı “Ekonom” və “Şahsevən”, Bərdə rayonundakı “Fermer-Marketinq”, Şəki şəhərindəki “Göyçə” və “Nicat”, Bakı şəhərindəki “M.F.”, İmişli rayonundakı “Mirqasım” və Salyan rayonundakı “Üç qardaş” kredit ittifaqlarıdır. Digər 6-si Lənkəran rayonundakı “AMB” və “Qala”, Beyləqan rayonundakı “Əlinəzərli”, İmişli rayonundakı “İlkin”, Naxçıvan şəhərindəki “Mey” və Gəncə şəhərindəki “Murad” kredit ittifaqlarıdır.

Qeyd edək ki, son üç ayda isə 9 kredit ittifaqının lisenziyası ləğv edilib. Beləliklə də, 2019-cu ildə ölkədə fəaliyyət göstərən analoji qurumların sayı 61-dən 52-yə düşüb.  

Maliyyə Bazarlarına Nəzarət Palatasının (Palata) İdarə Heyətinin qərarı ilə bağlanan 9 kredit ittifaqından 4-ü Şəki şəhərindəki “Küngüt”, Gədəbəy rayonundakı “Qoşabulaq”, Füzuli rayonundakı “S.A.F.” və Qəbələ rayonundakı “Vəndam” kredit ittifaqlarıdır, 5-i isə Bərdə rayonundakı “Fim-Finans”, Salyan rayonundakı “Firavan” və Xaçmaz rayonundakı “Şans” kredit ittifaqlarıdır. Onu da bildirək ki, yaxın zamanda lisenziyası ləğv edilən 2 kredit ittifaqı “Aqrointer” və “Aqroinvest” kredit ittifaqlarıdır.

Hal-hazırda Azərbaycanda 52 kredit ittifaqı fəaliyyət göstərir.