Azərbaycanda kredit reytinq agentliyi statusu əldə etmək üçün kapital tələbləri müəyyənləşdirilir.
Bunu Azərbaycan Mərkəzi Bankının (AMB) Maliyyə sektorunun inkişafı şöbəsinin rəisi Nərgiz Şirəliyeva bildirib.
Onun sözlərinə görə, “Kredit reytinq agentlikləri haqqında” qanun layihəsinə əsasən, kredit reytinq agentliyi statusunu minimum nizamnamə kapitalına və məcmu kapitala malik olmaqla reytinq fəaliyyətini həyata keçirən, AMB-nin apardığı Kredit reytinqi agentliklərinin reyestrinə daxil edilmiş kommersiya hüquqi şəxsi ala biləcək.
“Bazara daxil olacaq agentliklər üçün maliyyə dayanıqlılığı əsas şərtlərdən biri olacaq”, – deyə şöbə rəisi qeyd edib.
