Azərbaycanda tikinti və mühəndis şirkəti “Kontur Arxitektura Layihə-Sənaye” QSC 2025-ci ili 3.17 mln. manat xalis mənfəətlə başa vurub ki, bu da əvvəlki illə müqayisədə 13 dəfə çoxdur.
Banker.az xəbər verir ki, hesabat dövrünün sonunda bölüşdürülməmiş mənfəət 15.79 mln. manata çatıb ki, bu da illik müqayisədə 12.44% artım deməkdir.
Şirkətin əsas əməliyyat gəlirləri 45.15 mln. manat olub, bu göstərici bir il əvvəlki 19.78 mln. manatla müqayisədə 128.27% artıb. Satışın maya dəyəri üzrə xərclər 8.81 mln. manata yüksələrək 112.61% artıb. Nəticədə ümumi mənfəət 36.34 mln. manata çatıb və illik müqayisədə 132.42% böyüyüb. Eyni zamanda inzibati xərclər 31.06%, sair əməliyyat xərcləri isə 344.71% artaraq müvafiq olaraq 11.94 mln. manat və 18.86 mln. manat təşkil edib. Buna baxmayaraq əməliyyat mənfəəti 3.97 mln. manata yüksəlib ki, bu da əvvəlki ildən 190.52% çoxdur.
2025-ci ilin sonuna şirkətin cəmi aktivləri 25.37 mln. manat olub və bu göstərici illik müqayisədə 12.92% artıb. Aktivlərin əsas hissəsini 12.00 mln. manat həcmində uzunmüddətli debitor borcları təşkil edib ki, bu da cəmi aktivlərin 47.30%-nə bərabərdir. Pul vəsaitləri və onların ekvivalentləri isə 2.37 mln. manata çataraq əvvəlki illə müqayisədə 1,166.27% artıb.
Şirkətin cəmi öhdəlikləri 9.26 mln. manat təşkil edib və illik müqayisədə 13.38% artıb. Bunun fonunda cəmi kapital 16.11 mln. manata yüksələrək 14.48% artım göstərib.
Xatırladaq ki, “Kontur Arxitektura Layihə-Sənaye” QSC 2000-ci ildə təsis edilib. Şirkətin 100%-lik sahibi Raziyev Rizvan İlyas oğludur. Hesabatda cəmiyyətin bütün səhmlərinin ona məxsus olduğu qeyd olunur. Şirkət 2024-cü ilin sonunda “ULT Grup” MMC-ni tam alıb və hazırda həmin MMC-nin 100% payına sahibdir.
