Araşdırma nəticələri Azərbaycanda elektron ticarətin inkişaf etdiyini sübut edir. Sorğuda iştirak edənlərin 35%-i artıq geyimdən tutmuş, məişət texnikasına qədər istədikləri məhsulu rahat şəkildə sifariş edə bilirlər.
Banker.az bu barədə Business İnsight tərəfindən aparılan sorğuya istinadən xəbər verir.
Təhlillər göstərir ki, İnternetdə daha çox vaxt keçirmək xüsusilə online alış sektoruna öz töhfəsini verib və İnternet üzərindən alış-veriş etmək haqqında məlumatlılıq artıb.
Müqayisəli təhlillərdən məlum olur ki, Bakı sakinlərinin 41%-i online alış-veriş edə bildiyini qeyd etdiyi halda region sakinləri arasında bu göstərici cəmi 28%-dir. Online alış-veriş edə bilməkdə kişilər qadınlardan öndədir(xüsusilə bakılı xanımlar). Müqayisə cədvəlindən göründüyü kimi gənclər (18-40 yaş – 48%) online alış edə bilməkdə yaşlıları(41+ yaş – 17%) çox açıq fərqlə qabaqlayırlar.
