Azərbaycanda bankların kredit portfelində vaxtı keçmiş kreditlər azalıb.
Banker.az bu barədə Azərbaycan Mərkəzi Bankına istinadən xəbər verir.
2021-ci ilin 1 noyabr tarixinə bankların kredit portfelinin həcmi 16 milyard 415.9 milyon manat olmuşdur. Bu da son bir ayda 2.87% və 2020-ci ilin eyni dövrü ilə müqayisədə 11.02% artım deməkdir.
Vaxtı keçmiş kreditlərin həcmi 1 noyabr tarixinə 815.9 milyon manat olmaqla cəmi portfelin 4.97%-ni təşkil edib. İllər üzrə götürdükdə 2013-cü ildən bu tərəfə qeydə alınan ən aşağı göstəricidir. AMB-nin məlumatına görə, ən aşağı göstəricidir. 2013-cü ildə bu göstərici 5.14% idi.
Qeyd edək ki, problemli kreditlərin cəmi portfeldə payı 2020-ci ilin noyabrında 6.81%, cari ilin əvvəlində 6.15%, oktyabrın əvvəlində isə 5.46% təşkil edirdi.
