Azərbaycanda pul bazasının həcmi 2025-ci ilin fevral ayında 1 milyard 656 milyon manat və ya 8.35% artaraq 21 milyard 498 milyon manata çatıb. Bu, tarixi maksimum göstərici kimi qeydə alınıb.
Banker.az bunu Azərbaycan Mərkəzi Bankının hesabatına istinadən xəbər verir.
Pul bazası Mərkəzi Bank tərəfindən dövriyyəyə buraxılan və iqtisadiyyatda olan nağd pulların və kommersiya banklarının Mərkəzi Bankdakı ehtiyatlarının cəmini əhatə edir. Başqa sözlə, bu göstərici ölkədə dövriyyədə olan likvid aktivlərin həcmini göstərir.
