Azərbaycanın qida sənayesi və aqrar istehsal sektorunda fəaliyyət göstərən “Agro Dairy” şirkətinə daxil olan “ATS Food” MMC-nin nizamnamə kapitalı 81,5 milyon manata çatıb.
Banker.az xəbər verir ki, şirkətin nizamnamə kapitalı 2026-cı ilin ilk ayında 17,95 milyon manat və ya 29 faiz artırılaraq 81,51 milyon manata yüksəldilib.
İlin əvvəlinə qədər şirkətin kapitalı 62,06 milyon manat olub.
“ATS Food” MMC 2022-ci ildə ölkənin qida istehsal edən şirkətlərindən biri olan “Delta Group Co.” MMC-nin ikiyə bölünməsindən sonra yaradılıb. Şirkətin kapitalı iki hissəyə bölünüb və onun yarısını “AgroTrade Supply” MMC satın alıb. Şirkətin ilkin təsisatı zamanı nizamnamə kapitalı 20 milyon manat təşkil edib.
Keçən ilin noyabrında isə nizamnamə kapitalı 18 milyon manat olan “Platek Pact” MMC-nin ona qoşulması nəticəsində “ATS Food” MMC-nin yenidən təşkil olunduğu elan edilib.
Beləliklə, şirkətin nizamnamə kapitalı son üç ildə təxminən 4,1 dəfə artıb.
