2025-ci ilin yanvar-iyun aylarında içkilərin istehsalı ötən ilin eyni dövrü ilə müqayisədə fərqli dinamika göstərib.
Banker.az Dövlət Statistika Komitəsinə istinadən xəbər verir ki, üzüm şərabı istehsalı kəskin geriləyib – ötən ilin ilk yarısında 528 min dekalitr olan həcm cari ildə 292,6 min dekalitrə düşüb. Bu, illik müqayisədə 44,6% azalmadır.
Şərabın həcmindəki azalma ixracda da müşahidə edilir. 2025-ci ilin ilk altı ayında ölkədən xaricə 74.25 min dekalitr həcmində üzüm şərabı satılıb ( $2.23 mln.). Bu öncəki ildə 75.17 min dkl ($2,34 mln.) idi.
Viski və brendi istehsalı isə illik müqayisədə 12,5% azalma ilə 311,4 min dekalitrdən 272,5 min dekalitrə enib.
Bununla yanaşı, bir sıra məhsullar üzrə artım müşahidə olunub. Spirt istehsalında daha kəskin yüksəliş var (47,7% artım) – ötən ilin 332,5 min dekalitr həcmi bu il 491,2 min dekalitrə çatıb.
Araq istehsalı da bir qədər artaraq 678,4 min dekalitrdən 704,4 min dekalitrə yüksəlib.
Pivə istehsalında artım dinamikası davam edib və həcm ilk yarımildə 2 585.37 dekalitrə çatıb.
