2022-ci ilin yanvar-mart aylarında Azərbaycanda xam neft (qaz kondensatı daxil olmaqla) hasilatı ötən ilin müvafiq dövrü ilə müqayisədə 5.3% azalıb.
Banker.az Dövlət Statistika Komitəsinə istinadən xəbər verir ki, hesabat dövründə hasil olunmuş xam neftin həcmi 8 347.8 min ton təşkil edir.
Komitənin məlumatına əsasən, təbii qaz hasilatında illik müqayisədə 13.5% artım var. Belə ki, bu ilin yanvar-mart aylarında hasil olunan təbii qazın həcmi 11 802.9 mln. kubmetr olub ki, bunun da 9 084.3 mln. kubmetri əmtəəlikdir.
