Azərbaycanda neft məhsulları istehsalçısı və satışını həyata keçirən “Petrochem Group” MMC və “Petrochem Performance Products” MMC şirkətlər qrupu iki il öncə sahiblərinə 761 min ABŞ dolları və ya 1 milyon 293 manatlıq dividend ayırıblar.
Banker.az bunu şirkətin illik hesabatına istinadən xəbər verir.
Şirkətlərin konsolidasiya edilmiş xalis mənfəəti 2023-cü ildə illik müqayisədə iki dəfə artmaqla 1.95 milyon dollar olmuşdu.
Şirkətin 2023-cü il üçün ümumi gəliri illik müqayisədə 1.29 milyon dollar və ya 10.5% azalma ilə 11.01 milyon dollar təşkil edib. Bu da 2022-ci ildə 12.3 milyon dollar olmuşdu.
Satışların maya dəyəri 2022-ci ildə 7.94 milyon dollar olduğu halda, 2023-cü ildə 7.096 milyon dollara düşüb ki, bu da 10.7% azalma deməkdir.
Hazırda kapitalında 1.04 mln. dollar bölüşdürülməmiş mənfəət qalmaqdadır.
Xatırladaq ki, “Petrochem Qrup” 2017-ci ildə təsis edilib. Qrupun səhmlərininin 35 faizi Fərhad Əliyev adlı fiziki şəxsə, qalan 65 faizi isə xəzinə səhmləridir. “Petrochem Qrup” MMC “Petrochem Performance Products” MMC-nin səhmlərinin 51%-nin sahibidir.
