2024-cü ildə Azərbaycandan 128 milyon 885 min dollar dəyərində 20 169 ton fındıq ixrac olunub.
Banker.az xəbər verir ki, bu, Dövlət Gömrük Komitəsinin Xarici Ticarətin Vəziyyəti Haqqında aylıq hesabatında bildirilir.
2023-cü ildə isə Azərbaycandan 123 milyon 136 min dollar dəyərində 23 397 ton fındıq ixrac olunmuşdu. Beləliklə, fındıq ixracı dəyər ifadəsilə 5% artıb, miqdar ifadəsilə 14% azalıb.
Müqayisə olunan dövrdə 1 ton fındığın ixrac dəyəri 5 min 263 dollardan 6 min 390 dollara yüksəlib (1127 dollar artıb).
