Bu ilin yanvar-avqust aylarında Azərbaycandan qaz ixracı 9% artıb.
Bu barədə Azərbaycanın energetika naziri Pərviz Şahbazov “X” sosial şəbəkəsindəki hesabında paylaşım edib.
“Yanvar-avqust aylarında qaz ixracı 9% artıb. Avropaya 7.6 mlrd. m³, Türkiyəyə 6.7 mlrd. m³, Gürcüstana isə 1.5 mlrd. m³ qaz ixrac olunub. Bu dövrdə TANAP Türkiyəni 3.8 mlrd. m³ qazla təchiz edib”, – paylaşımda qeyd olunur.
Məlumata görə, hesabat dövründə Azərbaycanda cəmi 15.8 mlrd. kubmetr qaz ixrac olunub.
