2025-ci ilin ilk üç rübündə Azərbaycanda 2 milyard 53,9 milyon ədəd siqaret ixrac olunub.
Banker.az Dövlət Statistika Komitəsinə istinadən xəbər verir ki, bu göstərici əvvəlki ilin eyni dövrü ilə müqayisədə 24,4 faiz çoxdur. İxracın dəyəri də 32,1 milyon dollara yüksələrək illik müqayisədə 24,1 faiz artım qeydə alıb.
İxrac strukturunda Gürcüstan əvvəlki kimi əsas tədarük bazarı olaraq qalır. 2025-ci ildə bu ölkəyə 1,63 milyard ədəd siqaret göndərilib və bu istiqamət üzrə ixrac dəyəri 28,08 milyon dollar təşkil edib. Rusiya bazarına ixrac isə 252 milyon ədəd səviyyəsinə çataraq əvvəlki ilin göstəricisini xeyli üstələyib.
Orta ixrac qiyməti də artıb. 2024-cü ilin ilk üç rübündə hər milyon ədəd siqaret üçün orta qiymət təxminən 15,66 min dollar olduğu halda, 2025-ci ildə bu göstərici 15,62 min dollara yaxın olub və qiymət dinamikası sabit qalıb.
İxrac artımı fonunda ölkədə siqaret istehsalının da böyüyür. 2025-ci ilin ilk 10 ayında Azərbaycanda 14 milyard 90,4 milyon ədəd siqaret istehsal edilib ki, bu da illik müqayisədə 13,4 faiz çoxdur.
