2021-ci ilin yanvar-oktyabr aylarında Azərbaycan İtaliyaya $6 672.6 mln., Türkiyəyə $2 009.7 mln., Xorvatiyaya $751.27 mln., Rusiyaya $696.93 mln., İsrailə $618.08 mln. dəyərində məhsul ixrac edib. Bu ölkələrin ümumi ixracda payları müvafiq olaraq, 39.60%, 11.93%, 4.46%, 4.14% və 3.67% olub.
Banker.az bu barədə Dövlət Gömrük Komitəsinə istinadən xəbər verir.
Qeyd edək ki, ötən ilin analoji dövründə Azərbaycanın ən çox məhsul ixrac etdiyi ölkələr İtaliya, Türkiyə, Rusiya, Xorvatiya və Yunanıstan olub.
Qeyd edək ki, bu ilin ilk 10 ayında Azərbaycanın ixrac əməliyyatlarının ümumi dəyəri $16 848.9 mln. olub.
