Azərbaycanın internet bazarında bu ilin may ayında “Google Chrome” brauzerinin bazarda payı 76.28% faiz təşkil edib.
Banker.az “Global Stats” statistika mərkəzinə istinadən xəbər verir ki, cari ilin aprel ayı ilə müqayisədə “Google Chrome” brauzerinin payı 0.12% azalıb.
“Safari” brauzerinin bazar payı 11.41% təşkil edib ki, aprel ayı ilə müqayisədə bu göstərici 0.15% azalıb. “Samsung Internet” brauzerinin payında da artım qeydə alınmayıb. Belə ki, “Samsung Internet” brauzerinin payı 5.11%-ə bərabər olub ki, aprel ayı ilə müqayisədə bu göstərici də 0.06 faiz azalıb.
