2022-ci ilin yanvar-aprel ayları ərzində Türkiyəyə 333.7 milyon ABŞ dolları, Rusiya Federasiyasına 191.7 milyon ABŞ dolları, Gürcüstana 61 milyon ABŞ dolları, İsveçrə Konfederasiyasına 51 milyon ABŞ dolları və ABŞ-a isə 39.4 milyon ABŞ dolları dəyərində qeyri-neft sektoruna aid mal ixrac olunub.
Banker.az xəbər verir ki, bu, İqtisadi İslahatların Təhlili və Kommunikasiya Mərkəzinin “İxrac İcmalı”nın 2022-ci ilin may sayında bildirilir.
2022-ci ilin aprel ayında qeyri-neft sektoruna aid ən çox mal ixrac edilən ölkələrin siyahısında Türkiyə (78.5 milyon ABŞ dolları) birinciliyə yüksəlib. Bu siyahıda Rusiya ikinci (42.3 milyon ABŞ dolları), İsveçrə isə üçüncü (17.7 milyon ABŞ dolları) olub.
